eKesco – metoda ideale për pagesat e energjisë gjatë festave

KESCO njofton të gjithë konsumatorët se, për shkak të festave të fundvitit, të gjitha arkat fizike për pagesën e energjisë elektrike do të jenë të mbyllura nga data 1 deri më 4 janar 2026.

Gjatë kësaj periudhe, KESCO inkurajon konsumatorët që pagesat e faturave të energjisë elektrike t’i realizojnë përmes aplikacionit mobil eKesco, i cili ofron një mënyrë të shpejtë, të sigurt dhe të thjeshtë për kryerjen e pagesave, pa pasur nevojë për prezencë fizike.

Ky hap është pjesë e angazhimit të vazhdueshëm të KESCO-s për avancimin e shërbimeve digjitale dhe lehtësimin e përvojës së konsumatorëve, duke ofruar zgjidhje moderne që kursejnë kohë dhe rrisin efikasitetin në shërbim.

Aplikacioni eKesco u mundëson konsumatorëve:

·         Pagesë të faturave në çdo kohë dhe nga çdo vend

·         Qasje të shpejtë në të dhënat e konsumit dhe faturave

·         Shmangie të radhëve dhe pritjeve në arkat fizike

KESCO mbetet e përkushtuar që përmes inovacionit dhe digjitalizimit të shërbimeve të ofrojë shërbime më cilësore, më të qasshme dhe më të sigurta për të gjithë konsumatorët e saj.