Emery i përgjigjet Florentino Perezit për Neymarin

Florentino Perez shtriu dorën e tij tek Neymar, përballë një nënshkrimi të ardhshëm, pas dhënies së “Topit të Artë”, ku presidenti i Real Madridit tha se braziliani do ta kishte më të lehtë për ta fituar këtë trofe prestigjioz individual nëse luante me “Los Blancos”. Unai Emery i është përgjigjur liderit të bardhë, duke pohuar se braziliani është një lojtar i PSG-së dhe se ai do të jetë në gjendje t’i marrë të gjithë titujt kolektivë dhe individualë në Paris. “Ndoshta ai do të donte që Neymar të ishte me të, te Real Madridi. Por ai është këtu, në PSG, – nënvizoi Emery, duke shtuar: – Jam i bindur se Neymar do t’i arrijë objektivat e tij kolektivë dhe pastaj individualisht, këtu në Paris”