‘Engjëjt’ apo ‘Djajtë’, kush e fiton derbin më të madh në Ishull?

Manchester United e pret në shtëpi rivalin e përbetuar Liverpoolin në kuadër të javës së 27-të në Premier Ligë

Dy klubet më të trofsheme në Ishull, por që këtë edicion luftojnë për ambicie të ndryshme do të përballen në ‘Old Trafford’ sot me fillim nga ora 15:05.

Manchester United po lufton për pozitën e katërt që ia do t’ia siguronte pjesëmarrjen në Ligën e Kampionëve për edicionin tjetër, derisa Liverpooli kërkon titullin e Premier Ligës, që i mungon tash e 29 vite.

Diferenca e pikëve ndërmjet këtyre dy skuadrave është e madhe, Liverpooli ka 14 pikë më shumë se Unitedi, por në derbit si ky nuk kanë rëndësi këto statistika, raporton Periskopi.

‘Djajtë e Kuq’ janë këndellur me ardhjen e Ole Gunnar Solskjaerit në krye të skuadrës dhe që nga emërimi i tij United në 13 ndeshje në të gjitha garat ka fituar 11 ka barazuar në një ndeshje dhe ka vetëm një disfatë, nga PSG[0-2] në Ligën e Kampionëve.

Humbja e fundit e Manchester Unitedit në Premier Ligë është pikërisht nga Liverpooli në dhjetor të vitit të kaluar[3-1], në një ndeshje e cila u vendos nga Xherdan Shaqiri, i cili hyri nga banka rezervë për të shënuar dy gola dhe për t’ia dhuruar tre pikë skuadrës nga Anfield.

Instant. Impact.

GET IN @XS_11official!! ?#LIVMUN pic.twitter.com/qGRwfKo3CE

— Liverpool FC (@LFC) December 16, 2018

Në anën tjetër Liverpooli po kalon një edicion fantastik në Premier Ligë ku pas 26 ndeshjeve ka shënuar 20 fitore, 5 barazime dhe vetëm 1 humbje. Është në vendin e dyët në tabelë me 65 pikë, aq sa ka edhe City, por që duhet kujtuar se skuadra e Guardiolas ka një ndeshje më shumë të luajtur.

Liverpooli nuk di për fitore në Premier Ligë ndaj Unitedit në ‘Teatrin e Ëndrrave’ që nga viti 2014, kur fitoi pastër 3-0. Atë vit ‘Të Kuqtë’ po luftonin për titull, të cilin e humbën vetëm në javët e fundit pasi u mposhtën nga Chelsea në Anfield [0-2].

Xherdan Shaqiri, heroi i Liverpoolit nga derbi i fundit këtë takim pritet që ta nisë nga stoli shkaku i formës jo të mirë të cilën e ka kaluar kohëve të fundit, përcjellë Periskopi.

Ndeshja më e zjarrtë në Angli do të luhet sot nga ora 15:05 me Manchester Unitedin që kërkon fitoren për ta ndalur rivalin e përbetuar, Liverpoolin, në luftën për titull.

Spektakli është i garantuar me të dy skuadrat që do të kërkojnë me çdo kusht fitoren për nderin e tifozëve. Një humbje do të ishte e hidhur për cilëndo skuadër.

Andaj lojtarët do të hynë në fushë me motivim shtesë ku do të luftojnë së pari për vete e më pas edhe për tifozët, të cilët edhe pse do të jenë në ‘teatër’ pritet që të jenë shumë të zhurmshëm. /Periskopi/