Fehmi Kupina: Lidhja për Prishtinën do të mbështesë fuqishëm Organizatën “Sindrom Down”
Kandidati i Lidhjes për Prishtinën, Fehmi Kupina, ka vizituar Organizatën “Sindrom Down” në Prishtinë, së bashku me kandidatët për Kuvend Komunal, Agnesa Rexhepi Demiri dhe Vebi Mujku. Ata u njoftuan nga afër me punën dhe shërbimet që ofron kjo qendër dhe degët e saj në Kosovë.
Kupina tha se shërbimet e kësaj organizate janë thelbësore jo vetëm për përfituesit e drejtpërdrejtë, por edhe për ngritjen e kapaciteteve të institucioneve arsimore dhe kopshteve në trajtimin e rasteve të fëmijëve me sindromën Down.
“Në kuadër të programit social të Lidhjes për Prishtinën, kemi paraparë përkrahjen dhe fuqizimin e Organizatës ‘Sindrom Down’. Do të kujdesemi që kjo qendër të ketë mbështetje të vazhdueshme, përfshirë mbulimin e shpenzimeve financiare të nevojshme për funksionimin e saj, në mënyrë që të ofrojë shërbime sa më cilësore për komunitetin”, u shpreh Kupina.
Postimi i plotë:
