Franca në finale me Portugalinë
Franca ka siguruar kualifikimin në finale pasi ka eliminuar kampionin e botës Gjermaninë 2 me 0 në gjysmëfinale.
Antoine Griezmann shënoi të dy golat në triumfin historik të Francës.
Golin e parë, sulmuesi i Atletico Madridit e shënoi në minutën e fundit të pjesës së parë nga pika e bardhë, ndërsa të dytin në minutën e 72-të.
Gjermania u përpoq të kthehej në lojë, por pavarësisht rasteve Hugo Lloris mbeti i pamposhtur.
Në finalen e të dielës, Franca do të luajë me Portugalinë.
