Gattuso: Interi ishte më i mirë, nuk e fajësoj Donnarumman

Trajneri i Milanit ka analizuar ndeshjen pas disfatës nga Interi.

Trajneri i Milanit, Gennaro Gattuso foli pas humbjes në derbi me Interin për mediat, ku e pranoi se zikaltërit e merituan më shumë se kuqezinjtë fitoren.

Gjithsesi trajneri tregon se pendimi i vetëm është se në 15 minutat e fundit skuadra e tij kishte shumë mundësi për të kundërsulmuar, por nuk i shfrytëzoi siç duhet.

Ai po ashtu nuk deshi ta fajësonte portierin Gianluigi Donnarumma për gabimin që bëri në golin e realizuar nga Mauro Icardi.

“Interi padyshim që e meritoi më shumë se ne, por nëse kjo ndeshje do të ishte mbyllur 0-0, mund të kishim shumë gjëra pozitive për të thënë. Luajtëm një lojë fizike që nuk na pëlqen ta luajmë, por e bëmë mirë”, tha Gattuso.

“Pendimi im i vetëm është se në 15 minutat e fundit kishim shumë mundësi për të kundërsulmuam por nuk i shfrytëzuam siç duhet”.

“Të gjithë kanë bërë gabime në mbrojtje, Abate nuk mbylli hapësirën e pasimit, Musachio nuk e lexoi mirë krosimin. Ndeshjen e humbëm së bashku, jo vetëm për fajin e Donnarummës”, përfundoi trajneri i Milanit.