Goli i Behramit i dhuron fitorën Udinezes (Video)

Valon Behrami ka shënuar golin e fitores për Udinesen përballë Genoas, në kuadër të xhiros së 22-të të Serie A.

Behrami realizoi në minutën e 61′ të takimit, i cili ishte goli i parë i tij i shënuar me fanellën e Udineses.

Ky gol në fund doli të jetë vendimtar, në fitoren me rezultat minimal të ekipit italian.

Deri tani, mesfushori i Zvicrës ka bërë gjithsej 11 paraqitje me Udinesen, që prej kur iu bashkua klubit në verë.

Udinese pas kësaj fitore renditet në pozitën e 8-të me 32 pikë, pas 22 xhirove të luajtura.