Gruaja e Diogo Jotas, e shkatërruar, mbajti arkivolin e burrit të saj 11 ditë pas martesës së tyre
Bota e futbollit është zhytur në zi pas vdekjes tragjike të Diogo Jotas, yllit të Liverpoolit, dhe vëllait të tij, André Silva, të cilët humbën jetën në një aksident automobilistik në Spanjë më 3 korrik 2025.
Funerali i tyre u mbajt sot në qytetin e lindjes, Gondomar të Portugalisë, ku mijëra të afërm, miq, shokë të skuadrës dhe tifozë u mblodhën për t’u dhënë lamtumirën e fundit.
Të dy vëllezërit humbën jetën në vendngjarje.
Kjo ngjarje e rëndë ka lënë një boshllëk të thellë jo vetëm në futbollin portugez dhe atë ndërkombëtar, por edhe në zemrat e miliona tifozëve në mbarë botën, raporton Telegrafi, transmeton Periskopi.
Klubet, lojtarët dhe personalitetet më të njohura të sportit kanë shprehur ngushëllimet dhe respektin e tyre.
Tragjedia gjithashtu ka nxitur diskutime të reja mbi sigurinë rrugore, veçanërisht në lidhje me makinat sportive dhe kushtet në autostrada, duke theksuar edhe njëherë rrezikun e humbjes së jetës në mënyrë të parakohshme./Periskopi
