Guardiola bën një veprim të veçantë për lojtarët e tij, para ndeshjes së madhe me Realin

Në një veprim të pazakontë para ndeshjes së dytë të fazës së 1/8 së finales së Ligës së Kampionëve, Pep Guardiola anuloi seancën stërvitore të Manchester Cityt dhe preferoi të përgatisë skuadrën për përballjen kundër Real Madridit duke u dhënë lojtarëve një ditë pushimi.

Ekipi anglez u stërvit të dielën në ambientet e veta, por nuk pati shenja të stërvitjes së zakonshme para ndeshjes, e cila zakonisht përfshin edhe 15 minuta të hapura për mediat.

Guardiola e kishte zbatuar këtë masë edhe para ndeshjes kundër Borussia Dortmundit në nëntor, dhe rezultati e justifikoi taktikën: fitore 4-1 për “Citizens”, rezultat që do ta firmosnin edhe kundër Real Madridit për ta çuar përballjen në kohë shtesë.

Megjithatë, kjo nuk është praktikë e zakonshme për ekipet që marrin pjesë në Ligën e Kampionëve.

Zakonisht ekipet angleze stërviten në qendrat e tyre stërvitore, pavarësisht nëse luajnë në shtëpi apo në transfertë, edhe pse shpesh heqin dorë nga stërvitja në stadiumin ku do të zhvillohet ndeshja.

Por të mos stërvitesh fare një ditë para ndeshjes është diçka e pazakontë, si në Ligën e Kampionëve ashtu edhe në kampionatet vendase.

Ndërkohë, Real Madridi do të zbresë në stadiumin “Etihad” pasdite për konferencat zyrtare për shtyp dhe seancën stërvitore para ndeshjes.

Ndeshja e parë, e luajtur me 11 mars në “Bernabeu”, përfundoi 3-0 për Realin, me një tregolësh të bukur të shënuar nga Federico Valverde.