Historia e Recep Tayyip Erdogan: Dikur futbollist, tash ‘Sulltan i Turqisë’

Deklarata e basketbollistit të New York Knicks, Enes Kanter që nuk po guxon të lëvizë lirshëm në botë, për shkak të spiunëve turq, ka zgjuar një debat të madh për politikat diktatoriale të Recep Tayyip Erdoğan.

Biri i një roje bregdetare, i rritur nëpër rrugët e një prej lagjeve më famëkeqe të Stambollit, i shtrënguar nga varfëria në të cilën dergjej familja e tij të shiste nëpër rrugë limonada dhe simite, ky është Recep Tayyip Erdogan, që sot njihet si ‘Sulltani i Turqisë’, përcjell Periskopi.

Recep Tayyip Erdogan, i lindur me 26 shkurt, të vitit 1954 në Stamboll të Turqisë është i martuar me Eminen, me të cilën kanë katër fëmijë, dy djem dhe dy vajza.

Erdogani ka marrë një arsim islamik shumë të ngurtë, përpara se të diplomohej në administrim biznesi në Universitetin e Marmarasë.

Përpara se të fillonte karrierën politike, Erdogan ishte futbollist gjysmë profesional.

Erdogan ishte aktiv në qarqet islamike që nga vitet 1970 dhe 1980.

Pas Grushtit të Shtetit më 12 Shtator 1981, Erdogan’i u bë pjesë e Partisë Refah. Në vitin 1994 Erdogani ishte kandidat për Kryetar të Komunës së Stambollit, ku në këto zgjedhje, u zgjodh Kryetar i Stambollit.

Me Erdoganin në krye të Turqisë, po duket që po lindë një shtet perandorak.

Rasti i fundit me basketbollistin Kanter dëshmon edhe njëherë politikat diktatoriale që i ka presidenti aktual i Turqisë. /Periskopi

LEXO EDHE:

Basketbollisti turk nuk guxon të dal jashtë Amerikës, frikësohet se do ta vrasin spiunët e Erdoganit