Një nga destinacionet më të mundshme është Lazio, që prej disa muajsh interesohet për mesfushorin e Skënderbeut.Kjo pistë bëhet edhe më e mundshme nga një takim mes drejtorit sportiv të klubit italian, Igli Tare, me menaxherin e lojtarit, Shkumbin Qormemeti.

Është ky i fundit që sot ka postuar në “Instagram” një foto duke drekuar me ish-sulmuesin e Kombëtares.

Mediat përtej Adriatikut raportuan se Tare ishte në stadiumin e Palermos jo vetëm si tifoz, por edhe për ta parë nga afër 23-vjeçarin në ndeshjen e Kombëtares me Italinë më 24 mars, shkruan oranews.

Drejtuesi bardhekaltër synon të përfitojë nga fakti që Latifit i përfundon në qershor 2018 kontrata me Skënderbeun, ndaj klubi korçar me shumë mundësi nuk pritet të bëjë rezistencë të madhe sa i takon aspektit financiar.