Irani në Kupën e Botës? – Infantino tregon se çka i tha Trump

Presidenti i FIFA-s, Gianni Infantino, zbuloi se u takua me Presidentin e Shteteve të Bashkuara dhe se Donald Trump e siguroi atë se e mirëpriste pjesëmarrjen e Iranit në Kupën e Botës të këtij viti , e cila do të zhvillohet në Shtetet e Bashkuara, Meksikë dhe Kanada.

Irani ishte i vetmi vend që mungonte në samitin e FIFA-s për të planifikuar pjesëmarrësit për Kupën e Botës, të mbajtur javën e kaluar në Atlanta, gjë që intensifikoi pyetjet nëse ekipi kombëtar i vendit do të garonte në tokën amerikane këtë verë, në mes të një lufte në Lindjen e Mesme.

Më parë, Trump kishte deklaruar se nuk ishte i shqetësuar për pjesëmarrjen e Iranit.

“Folëm gjithashtu për situatën aktuale në Iran dhe faktin që ekipi kombëtar është kualifikuar për të marrë pjesë në Kupën e Botës. Gjatë diskutimeve, Presidenti Trump përsëriti se ekipi iranian është, sigurisht, ‘i mirëpritur të garojë në turne në Shtetet e Bashkuara’. Ne të gjithë kemi nevojë për një ngjarje si Kupa e Botës për të bashkuar njerëzit tani më shumë se kurrë, dhe e falënderoj sinqerisht presidentin e SHBA-së për mbështetjen e tij, pasi kjo tregon edhe një herë se RU”, shkroi ai në rrjetet sociale.