Ish-portieri i Liverpool zbulon jetën e tij të tmerrshme – me vrasje dhe si e ka ‘shpëtuar’ futbolli

Ish-portieri i Liverpoolit, Bruce Grobbelaar ka zbuluar përvojat e tmerrshme që ai i përjetoi gjatë ushtrisë në Zimbabven e sotme – duke përfshirë këtu edhe herën e parë që ai vrau.

Grobbelaar mbetet një hero në Anfield – ai fitoi 13 trofe të mëdhenj me 14 vite në klub, duke përfshirë Kupën Europiane të vitit 1984 pas një fitorje me penallti kundër Romës.

Megjithëse i njohur dhe i dashur për talentin e tij dhe ekscentricitetin në fushën e lojës, Grobbelaar zbuloi për përvojat e tij të luftës në një intervistë të jashtëzakonshme, shkruan Periskopi.

Ai ishte një adoleshent kur ai u rekrutua në ushtrinë Rhodesian në vitin 1975 dhe luftoi në luftën e pavarësisë së Zimbabvesë.

Tani 60 vjeç, Grobbelaar i tha Guardian: “Hera e parë ishte muzg. Ndërsa dielli perëndon, isha në hijen e shkurreve, me plotë frikë. Nuk mund ti njohësh pa i parë sytë e tyre të bardhë. Është çështje vdekje, ti ose ata. Ti gjuan, ti mund të vdesësh dhe kishte pafundësisht armë zjarri”.

”Ju dëgjoni zërat: “Hej, trupor, unë jam goditur.” Fërshëlleni për t’u dorëzuar përndryshe ne të gjithë po vritemi. Kur përfundon sulmi, ju shihni trupa kudo. Kur është hera e parë çdo gjë që ke në stomakë del nga goja juaj”.

Kur u pyetë se sa njerëz vrau, Grobbelaar pranoi: ”Nuk mund t’ju them. Kjo është arsyeja pse unë kam jetuar gjithmonë jetën time sot për sot. Mund të them vetëm që e kaluara ime është e keqe. Nuk mund ta ndryshoj”.

Pas largimit nga ushtria, Grobbelaar luajti në Afrikën e Jugut dhe Kanada përpara se të nisej në Angli për të luajtur për Crewe Alexandra dhe më vonë Liverpoolin.

Ai i tha Guardian se futbolli ‘e shpëtoi’, duke shtuar: ”Më mbajti larg nga mendimet e errëta të luftës”.

Grobbelaar luajti 440 ndeshje të ligës për Liveroolin. Fitoi Kupën Evropiane, ai fitoi gjashtë tituj të Divizionit të Parë, tre FA Cup dhe tre Kupa të Ligës./Periskopi/