Isha truproja e Zidane, e mbroja nga shqelmat

Ish-mesfushori i Real Madridit, Claude Makelele ka kujtuar kohën kur luante bashkë me Zinedine Zidane te Los Blancos.

Francezi thotë fjalë të mira për Zidane, ndërsa shton se ishte truproje e tij në fushë, pasi kundërshtarët e shënjestronin atë për ta lënduar.

“Zizu ishte një gjeni i futbollit. Futbollist që bënte mrekulli në fushë, por duhet të kishte gjithashtu mbrojtje. Duke qenë se mbrojtësit kundërshtarë e shënjestronin për ta ndaluar me ndërhyrje të gabuara apo me shqelma, Zinedine e kishte të vështirë të rezistonte”.

“Kam qenë unë truproja e tij, pasi duhet ta mbroja nga shqelmat, duke u dalë para lojtarëve që kishin si detyrë për ta markuar. Mjaftonte që unë t’i krijoja hapësirë dhe pastaj ai bënte atë që askush tjetër nuk mundej”, kujton Makelele. /Periskopi.com