Në këtë mënyrë, Bianconerët u kualifikuan në gjysmëfinale të garës më të madhe evropiane për klube, pasi kishin fituar në terren të tyre me rezultat 3-0.Kur është fjala për Barcën, është vështirë të mendohet se nuk ka arritur të shënojë gol para tifozëve në Camp Nou.

Në fakt, është hera e parë që nga maji i vitit 2013 që një klub evropian nuk pranon gol në kështjellën e Blaugranëve.

Bayern Munichu kishte qenë klubi i fundit që nuk kishte pësuar gol në Camp Nou në sezonin kur bavarezët e patën fituar Ligën e Kampionëve.

Asokohe klubi gjerman e pati turpëruar Barcën në gjysmëfinale – duke fituar me rezultat 4-0 në Allianz Arena dhe 3-0 kishte fituar edhe në Camp Nou.