Kaçe na habitë të gjithëve me klubin e ri
Skuadra e Skënderbeut do të bëjë një goditje të madhe në afatin kalimtar të janarit. Ekipi nga Korça ka arritur marrëveshje me yllin e Kombëtares shqiptare, Ergys Kaçen.
Kaçe pritet të prezantohet me fanellën e korçarëve më 2 janar, shkruan e përditshmja sportive shqiptare, Panorama Sport.
Mesfushori i Kombëtares së Shqipërisë do të vijë në formë huazimi nga klubi i PAOK-ut dhe pritet të zgjidhë problemet që ka pasur ekipi në mesin e fushës.
Pas largimit nga Plzeni, 23-vjeçari ka pranuar që pjesën e mbetur të edicionit ta luajë në qytetin e lindjes, në Korçë, ku do synojë që të ndihmojë kampionët në garën për të fituar sërish titullin.
