Karriget e boshatisura në tubimin e Faton Pecit, mitrovicasit ‘bojkotojnë’ ish-ministrin
Një numër shumë i vogël i qytetarëve është parë të jenë të pranishëm në tubimin për hapjen e fushatës së kandidatit për kryetar të Komunës së Mitrovicës, Faton Peci.
Kandidati i Lëvizjes Vetëvendosje kishte ftuar qytetarët për pjesëmarrje në tubimin për hapjen e fushatës, mirëpo vetëm një numër i vogël i qytetarëve i janë përgjigjur thirrjes.
Tubimi ishte paraparë të fillonte në ora 13:00, ndërsa siç raportojnë mediat lokale në qytetin e Mitrovicës, tubimi nuk kishte filluar as në orën 14:00, për shkak të numrit të vogël të qytetarëve.
Një video e publikuar nga ‘Veriu.info’ shpërfaq organizatorët duke larguar karriget në mungesë të qytetarëve.
Deri më tani në Mitrovicë ka qeverisur Partia Demokratike e Kosovës me Bedri Hamzën, teksa në këto zgjedhje kandidat i kësaj partie është Arian Tahiri.
