Këtë nuk e keni pritur nga Arsenali, 100 milionë euro për superyllin francez
Arsenali kërkon përforcime për sezonin e ardhshëm dhe po mendon një ofertë të madhe në drejtim të talentit të Monacos, Kylian Mbappe.
“Topçinjtë” kanë hedhur sytë nga talenti i Monaco, Kylian Mbappe, i cili kërkohet me ngulm edhe nga gjiganti spanjoll, Real Madrid.
Mediat britanike theksojnë se skuadra e drejtuar nga Arsene Wenger po përgatit një ofertë të ‘çmendur’ në drejtim të Monacos për yllin francez.
Sipas tabloidit britanik “Daily Mail”, Arsenali, për të mposhtur konkurrencën e spanjollëve është gati të derdhë në arkat e skuadrës nga principata shumën e 100 milionë eurove, përcjell Telegrafi.
Londinezët gjithashtu i kanë ofruar siguri futbollistit të talentuar edhe fanellën e titullarit në repartin e avancuar.
