KH Istogu ka mbetur në Stamboll, kishte për të udhëtuar drejt Spanjës

Përveç telasheve financiare në fillimin e sezonit, klubi hendbollistik Istogu ka hasur në probleme edhe në udhëtimin drejt Spanjës. 

KH Istogu sot zhvillon ndeshjen e parë të së tetës së finales, në kuadër të Challenge Cup, shkruan Periskopi.

Ata kishin planifikuar që të ateronin dje në Malaga, por si pasojë e motit të keq hendbollistet e kaluan natën në aeroportin e Stambollit, Ataturk.

Megjithatë, është konfirmuar se ata në mëngjes janë nisur drejt Spanjës dhe kanë mbërritur në kohën e duhur.

Ndeshjen e dytë, klubi i Istogut e luan nesër me fillim nga ora 11:00. /Periskopi/