Kombëtarja Shqiptare mund ta luajë këtë ndeshje pa tifozë

Këtë e ka bërë të ditur sekretari i Federatës Shqiptare të Futbollit, Ilir Shulku, i cili ka deklaruar se Kuqezinjtë mund të dënohen nga UEFA.

Sjelljet jo të mira të tifozëve në sfidën ndaj Spanjës kanë rezultuar me hapjen e procedurës gjyqsore ndaj Shqipërisë nga shtëpia më e madhe e futbollit në Europë.

“Rrezikojmë të dënohen tifozët, që do të thotë se mund të luajmë në Shqipëri, por pa tifozë”, deklaroi Shulku.

Sfida e radhës për Kuqezinjtë do të jetë ajo ndaj Israelit më 12 nëntor në Loro Boriçi të Shkodrës. /Periskopi.com