Komonuelthi i Pensilvanisë njeh 17 shkurtin si Ditën e Pavarësisë së Kosovës

Komonuelthi i Pensilvanisë ka njohur 17 shkurtin si Ditën e Pavarësisë së Kosovës.

Lajmin e ka bërë të ditur Ambasada e Kosovës në Shtetet e Bashkuara të Amerikës, duke falënderuar guvernatorin Josh Shapiro për këtë vendim.

Në vendimin e guvernatorit theksohet rëndësia e diversitetit kulturor dhe kontributi i komunitetit shqiptaro-amerikan në këtë shtet.

“Commonwealth-i përbëhet nga komunitete të pasura, të gjalla dhe të larmishme, të cilat u ofrojnë qytetarëve të tij një pasuri njohurish dhe kulture për botën në të cilën jetojnë. Forca jonë nuk vjen nga uniformiteti, por nga diversiteti, dhe ne jemi krenarë të festojmë larminë kulturore të Commonwealth-it tonë. Komuniteti shqiptaro-amerikan është pjesë përbërëse e Pensilvanisë dhe kontributet e tyre në strukturën ekonomike, kulturore dhe shoqërore të Commonwealth-it tonë janë të pazëvendësueshme. Ndërsa festojmë pavarësinë e Kosovës, shqiptaro-amerikanët në Pensilvani duhet të ndiejnë një ndjenjë të thellë krenarie dhe arritjeje. Jam i bindur se ata do të vazhdojnë të jenë thelbësorë në suksesin dhe mirëqenien e Commonwealth-it tonë për shumë breza që do të vijnë”, thuhet në vendimin e guvernatorit.