Krasniqi: Kurti mban përgjegjësi morale dhe politike për këtë klimë antishqiptare si kumbara i kësaj qeverie në Shkup
Kryetari i PDK’së, Memli Krasniqi ka reaguar lidhur me thirrjet antishqiptare të bëra në një palestër sportive në Maqedoninë e Veriut, në prani të Kryeministrit Mickoski dhe delegacionit qeveritar.
Krasniqi, në një postim në Facebook, i ka cilësuar këto mesazhe të rënda e të papranueshme dhe dëmtojnë bashkëjetesën në këtë shtet dhe përtej tij.
“Shqiptarët janë komb shtetformues në Maqedoninë e Veriut dhe partnerë vendimtar në rrugën euroatlantike. Gjuha e urrejtjes ndaj tyre nuk është vetëm e rrezikshme, por edhe thellësisht kundër vlerave demokratike e europiane që duhet t’i bashkojnë popujt tanë”, ka shkruar ai.
Për këtë gjuhë raciste, Krasniqi e bëri përgjegjës kryeministrin në detyrë, Albin Kurtin.
“Qeveria e Maqedonisë së Veriut ka përgjegjësi të distancohet qartë nga çdo akt ekstremist, sepse heshtja konsiderohet miratim. Ashtu si një tjetër heshtje që po bëhet gjithnjë e më zhurmshme: ajo e Kryeministrit në ikje të Kosovës, që si kumbara i kësaj qeverie në Shkup, mban përgjegjësi morale dhe politike për këtë klimë anti-shqiptare që po thellohet dita-ditës”, ka shkruar ai.
Postimi i plotë:
