Kryeziu: VV e përdori Listën Serbe për bllokadë politike, sot bëri kompromis për pushtet
Drejtori i Institutit Demokratik të Kosovës (KDI), Ismet Kryeziu, ka kritikuar ashpër qasjen e Lëvizjes Vetëvendosje lidhur me proceset paszgjedhore dhe qëndrimet ndaj Listës Serbe.
Sipas tij, për muaj të tërë VV ka bllokuar dhe vonuar certifikimin e rezultateve dhe konstituimin e Kuvendit, duke sulmuar dhe etiketuar publikisht këdo që nuk pajtohej me narrativën e saj politike.
Kryeziu vlerëson se kjo sjellje ka qenë në kundërshtim me Kushtetutën dhe rendin demokratik, ndërsa është përdorur për interesa të ngushta politike dhe mobilizim populist.
Ai thekson se tani, pa asnjë kusht dhe pa sqarim publik, e njëjta parti ka pranuar të votojë kandidatin/en e Listës Serbe në paketë me kandidatët e partive të tjera, sipas praktikës së rregullt kushtetuese që më herët e kundërshtonte.
Sipas Kryeziut, ky ndryshim tregon mungesë parimesh dhe dëshmon se nacionalizmi përdoret vetëm kur i konvenon pushtetit. “Demagogjia politike nuk është patriotizëm, por dëm i drejtpërdrejtë për shtetin dhe për patriotizmin kushtetues”, ka theksuar ai.
Postimi i plotë:
