Kupa Botërore Rusi 2018 fillon sot: Çfarë duhet të dini

Edicioni i 21 i Kampionatit Botëror në futboll fillon më 14 qershor në Rusi. Këtu është gjithçka çfarë ju duhet të dini për këtë kampionat botëror.

Fushata e kualifikimit për turneun më të madh në botë filloi me 210 vende që përfshinë 872 ndeshje.

Sot, 32 ekipe nga e gjithë bota do të jenë pjesë e këtij turneu me finalën që do të luhet më 15 korrik.

Do të luhen 64 ndeshje për 25 ditë.

Ku do të luhen takimet mes kombëtareve

Për Rusinë është hera e parë në organizimin e një Kampionati Botëror në futboll.

64 përballje do të luhen në 12 stadiume dhe në 11 qytete. Loja hapëse do të zhvillohet ndërmjet Rusisë dhe Arabisë Saudite në stadiumin Luzhinki në Moskë. I njëjti vend do të presë edhe finalen që do të mbahet më 15 korrik, raportoi “Al Jazeera”, transmeton Periskopi.

Më poshtë mund të njiheni me kapacitetet e stadiumeve ruse ku do të zhvillohen duelet:

Ekaterinburg (Ekaterinburg Arena) – Kapaciteti: 35,696

Kaliningrad (Kaliningrad Stadium) – Kapaciteti: 35,212

Kazan (Kazan Arena) – Kapaciteti: 44,779

Moscoë (Luzhniki Stadium) – Kapaciteti: 81,006

Moscoë (Spartak Stadium) – Kapaciteti: 43,298

Nizhny Novgorod (Nizhny Novgorod Stadium) – Kapaciteti: 45,331

Rostov-on-Don (Rostov Arena) – Kapaciteti: 45,145

St Petersburg (St Petersburg Stadium) – Kapaciteti: 68,134

Samara (Samara Arena) – Kapaciteti: 44,807

Saransk (Mordovia Arena) – Kapaciteti: 44,442

Sochi (Fisht Stadium) – Kapaciteti: 47,700

Volgograd (Volgograd Arena) – Kapaciteti: 45,568

Kush po merr pjesë?

Nga 210 vende që filluan raundin e kualifikimit, vetëm 32 kanë arritur të sigurojnë kualifikimin për në Rusi:

Kush humbi?

Kampioni botëror i katërfishtë Italia dhe fituesi i dyfishtë Holanda do të mungojnë në këtë kampionat, pasi dështuan në kualifikimet e botërorit.

Kili, Kameruni, Bregu i Fildishtë dhe kandidati potencial për mbajtjen e Kupës Botërore në vitin 2026, SHBA gjithashtu do të mungojnë.

Uruguai priti edicionin e parë të Kupës Botërore në vitin 1930. Nikoqirët vazhduan të fitonin turneun, por vetëm një herë e morën atë që nga ajo kohë.

Brazili ka qenë skuadra më e suksesshme në historinë e Kupës së Botës, duke fituar turneun pesë herë.

Gjermania janë kampionët e fundit, pasi kanë mposhtur Argjentinën në Brazil katër vjet më parë për të siguruar trofeun e katërt./Periskopi/