Liverpooli refuzon ofertën e gjigantit turk për Chiesan
Federico Chiesa ka mbetur jashtë listës së Liverpoolit për në Ligën e Kampionëve dhe largimi i tij nuk është i pamundur gjatë këtyre ditëve.
Ylli italian mund të përfundojë në elitën e futbollit turk, ku afati kalimtar i verës është i hapur deri më 12 shtator.
Pikërisht aty, Besiktas u përpoq të përfitonte nga situata, duke tentuar të transferonte sulmuesin italian.
Megjithatë, Liverpool refuzoi ofertën, edhe pse trajneri Arne Slot nuk e përfshiu Chiesan në listën e UEFA-s për fazën e grupeve. Vendimi lidhet me kufizimet e rregullores për numrin e lojtarëve të huaj.
