Mijëra pacientë në lista të pritjes për shërbime në QKUK dhe Spitale Rajonale

2900 pacientë janë në pritje në Klinikën e Radiologjisë në QKUK për kryerjen e shërbimeve si MRI, CT, biopsi, Doppler apo USG.

Në Klinikën e Kardiologjisë janë në pritje 2599 pacientë për realizimin e koronarografise, EP-së apo ICD-së.

Në Kardiokirurgji sipas këtij raporti pritjet janë 4 deri në 5 muaj.Pritje ka edhe në Klinikën e Urologjisë (256 pacientë), Kirurgjinë e Fëmijëve (341 pacientë), Neurokirurgji (109 pacientë), Kirurgji Torokale (269 pacientë), Mjekësi Nukelare (220 pacientë), Kirurgji Plastike (240 pacientë), Kirurgji Maksifilloaciale (33 pacientë).

Pritje të gjata ka edhe në Klinikën e Ortopedisë. Sipas këtij raporti të prezantuar në mbledhjen e bordit të ShSKUK-së, janë 2478 pacientë në pritje për vendosjen e protezës së gjurit dhe kërdhokullës. Kjo listë e pritjes përfshinë pacientë nga viti 2020 deri në vitin 2025.

Lista të pritjes ka edhe në Spitalet e Përgjithshme. Sipas raportit në Spitalin e Vushtrrisë janë 50 pacientë të cilët po presin të kryejnë mamografinë dhe ndërhyrje kirurgjike.

Në Spitalin e Gjilanit janë 265 pacientë që presin për kryerjen e shërbimeve në Kirurgji, Radiologji, Kardiologji e ORL.

Në Spitalin e Ferizajt janë mbi 310 pacientë në listë të pritjes për CT dhe për shërbimet e Klinikës së Kirurgjisë.

Qytetarët po presin për shërbime edhe në Spitalin e Mitrovicës, Pejë e Prizren.Raporti ka paraqitur listë të pritjes edhe në QSKUK.

Listë të pritjes ka në ortodonci dhe protetikë.Ndër shkaqet kryesore sipas raportit për listat e pritjes thuhet se janë mungesa e sallave operative, mungesa e anesteziologëve dhe rritja e vazhdueshme e kërkesës për shërbime./kallxo/