Muharremi: Kështu si po bien blloqet e KEK-ut, ashtu është dashtë me ra edhe VV në zgjedhje

Analisti Shenoll Muharremi ka deklaruar se rezultati numerik i partive në zgjedhjet e 28 dhjetorit nuk do të ketë rëndësi të madhe praktike, pasi asnjëra prej tyre nuk pritet të sigurojë shumicën e nevojshme prej 81 deputetësh.

Sipas tij, përderisa nuk shihen ndryshime të mëdha në mbështetjen ndaj partive të mëdha, pas zgjedhjeve do të jetë i domosdoshëm bashkëpunimi dhe kompromisi mes tyre.

Ai thekson se suksesi do të varet nga aftësia për të ndërtuar koalicione, pasi edhe një rezultat i lartë votash është i pavlefshëm pa marrëveshje politike, ndërsa edhe me më pak vota mund të arrihet shumë me qasje të duhur bashkëpunuese.