Ndeshja Feronikeli – Prishtina i besohet gjyqtarit më të kritikuar në Superligë

‘Bilbilin’ kryesor për të gjykuar njërën ndër ndeshje më interesante të stinorit vjeshtor në ndërmjet Feronikelit dhe Prishtinës i është besuar gjyqtarit të ri nga Vushtrria Dardan Çaka.

Çaka që ka drejtuar ndeshjet kryesore këtë edicion do shoqërohet nga Fatlum Berisha, Bujar Selimaj dhe Selim Isufi si gjyqtarë i katërt.

Kujtojmë se gjyqtari Çaka ka qenë i kritikuar mjaft shumë për gjykimin e dobët nëpër ndeshjet e Superligës, por FFK ende beson tek gjykimi i drejtë nga ana e Dardanit.

Në duelin tjetër KEK-u – Ferizaj që do zhvillohet po ashtu këtë të mërkurë treshja e gjyqtarëve me në krye Mervan Bejtullahu, asistentë Kujtim Bajrami dhe Jakup Musolli do ta ndajnë drejtësinë, ndërkohë Isak Ceroviku do jetë gjyqtarë i katërt.

Këto dy duele janë të mbetura në kuadër të javës së dhjetë të Ipko Superligës.

E mërkurë

Feronikeli – Prishtina 13:30

Gjyqtarë: Dardan Çaka, Fatlum Berisha, Bujar Selimaj, Selim Isufi

KEK-u – Ferizaj 13:30

Gjyqtarë: Mervan Bejtullahu, Kujtim Bajrami, Jakup Musolli, Isak Ceroviku

/Periskopi/