‘Në prill pritet të stabilizohet furnizimi me barna’
Në muajin prill pritet të stabilizohet situata e furnizimit me barna në institucionet shëndetësore.
Kështu tha në emisionin “Zyra e Ankesave”, në RTV Dukagjini, drejtori i Departamentit për informim në Ministrinë e Shëndetësisë, Faik Hoti.
Sipas tij, ka mungesa të barnave, mirëpo siç tha ai, situata do të vijë duke u stabilizuar.
“Sa i përket insulinës ka pas një shpërndarje. Deri nga mesi i muajit prill do të stabilizohet në përgjithësi situata…”, ka thënë Hoti.
