“Nervozuan turqit me fishekzjarre”, Kerem Akturkoglu para ndeshjes me Kosovën: U dëgjuan krisma
Një incident i pazakontë ndodhi para ndeshjes mes Kosovës dhe Turqisë, sipas një deklarate të futbollistit turk Kerem Aktürkoğlu, i cili ka pretenduar se gjatë natës janë shqetësuar nga shpërthime pranë hotelit të ekipit.
Sipas tij, ngjarja ka ndodhur gjatë orëve të vona, duke krijuar tension në prag të sfidës.
“A të tregoj çfarë ndodhi mbrëmë? Po flija. Diku rreth orës 12:30 – 1 të natës, fillimisht fishekzjarre, pastaj diçka si bombë… Erdhi drejt e në dhomën tonë. Por ne do të bëjmë atë që duhet në fushë, vëlla. Sidomos kur i nervozon njerëzit turq si ne në këtë mënyrë, nuk e dinë çfarë mund të ndodhë” u shpreh lojtari turk
Ishte pikërisht lojtari Kerem që shënoi golin e fitores për Turqinë.
