Nuhiu ka vendosur për të luajtur për Kosovën
Sulmuesi i Sheffied Wednesday, Atdhe Nuhiu ka vendosur për të luajtur për Përfaqësuesen e Kosovës.
Lajmi është konfirmuar nga ndihmëstrajneri i Albert Bunjakut, Muharrem Sahiti, i cili ka zbuluar se 27-vjeçari ka qenë në Kosovë për të nisur procedurat për pajisjen me pasaportën e Kosovës.
“Atdhe Nuhiu sot (e hënë v.j.) ka qenë në Kosovë dhe i ka nisur procedurat për pajisje me pasaportë. Ai ka pranuar të luajë për Kosovën, por ka mbetur të zgjidhet çështja e nënshtetësisë. Nuhiu ka lindur në Prishtinë. Është një sulmues i nevojshëm për Kosovën, pasi do ta shtonte edhe më shumë konkurrencën në sulm”, ka thënë Sahiti.
“Çdo lojtar është i mirëseardhur, në këtë kohë apo edhe në të ardhmen. Dyert e Kosovës do të jenë të hapura për çdo futbollist që ne mendojmë se është i nivelit konkurrues”, ka thënë Sahiti, ndihmësi i përzgjedhësit Albert Bunjaki.
Nuhiu ka qenë më herët pjesë e grupmoshave U-21 të Austrisë. /Periskopi.com
