Pas artikullit të Periskopit, ambasadorja Çitaku premton se s’do ta prish më serialin për kosovarët (Foto)

Periskopi dje bëri një raportim sarkastik mbi postimet e fundit të ambasadores së Kosovës në ShBA, znj.Vlora Çitaku, e cila duke qenë me orën lokale më të hershme se në vendin tonë, zbulonte se çka do të ndodhte në serialin e famshëm “Game Of Thrones”.

Por, znj.Çitaku është treguar e vëmendshme dhe ka premtuar se nuk do të zbulojë skenat nga episodat e ardhshëm të këtij seriali për audiencën kosovare.

Në postimin e saj në Twitter, ajo thotë se “mediumi ynë e ka akuzuar për abuzim pushteti shkaku i ‘spoilerëve’ për episodin e fundit të Game Of Thrones,” Më tej shton: “Vërtet duhet t’i kem mërzitur fansat në Kosovë. Kësisoj, solemnisht premtoj se nuk do ta përsëris më.”