Portugalia, vendi mikpritës i finaleve të Ligës së Kombeve

Zhvillimi i finaleve dhe gjysmëfinaleve të Ligës së Kombeve të UEFA-s është vendosur të luhet në Portugali në qershor të vitit të ardhshëm.

Finalet inauguruese të qershorit të Ligës Kombëtare të UEFA-s do të zhvillohet në Portugali, pasi kampionët evropianë siguruan vendin e parë në Grupin 3 të Ligës A në Ligën e Kombeve.

Kjo do të zyrtarizohet nga Komiteti Ekzekutiv i UEFA-s në takimin e tyre në Dublin të hënën më 3 dhjetor, ku shorti final do të zhvillohet atë ditë.

Në muajin mars, Polonia, Portugalia dhe Italia shprehën interes për organizimin e  finaleve, pasi që të tre kombet ishin në Grupin 3 të Ligës A, por ishte vendosur se fituesit e grupit do të ishin mikpritësit e finaleve.

Kampionët evropianë, Portugalia siguruan zhvillimin e finaleve pas barazimit 0-0 të së shtunës në Itali ndaj Azzurrëve.

Portugalia ka propozuar Estadio do Dragao të Portos dhe Estadio D. Afonso Henriques në Guimaraes si vende pritëse të ndeshjeve gjysmëfinale dhe finale.
Gjysmëfinalet do të luhen të mërkurën dhe të enjten e 5 dhe 6 qershorit, me vendin e tretë dhe finalen e Ligës së Kombeve të UEFA-s, që do të mbahet të dielën më 9 qershor.

Ofertuesit pritës ishin të detyruar të specifikojnë dy stadiume me një kapacitet prej së paku 30 mijë vendesh të vendosura në mënyrë ideale në të njëjtin qytet pritës ose rreth 150 km larg nga njëri-tjetri.