Pse po takohen Trump dhe Putin në Alaska?

Zgjedhja e vendndodhjes është historikisht e rëndësishme: të dy presidentët po takohen në tokën amerikane që dikur ishte ruse.

Alaska i përkiste Rusisë deri në vitin 1867, kur u ble nga SHBA-të. Pastaj, në vitin 1959, ajo u bë shtet amerikan.

Ndihmësi presidencial rus, Yuri Ushakov, tha se ishte një vend “logjik” për t’u takuar, pasi vetëm Ngushtica e Beringut ndan dy vendet.

Dyshja do të takohet në Bazën e Përbashkët Elmendorf-Richardson në periferi të qytetit më të madh të Alaskës, Anchorage, në pjesën jugore të shtetit./Periskopi