Qesharake: Ky është dënimi i UEFA-së për Simeonen

UEFA ka marrë vendim për festimin e golit nga trajneri i  Atletico Madrid, Diego Simeone.

Duke e festuar golin e parë në fitoren e Atletico Madridit 2:0 kundër Juventusit në 1/8 e finales në Ligën e Kampionëve, trajneri Diego Simeone u kthye kah tifozët dhe kapi me të dy duart pjesën e tij intime.

Shtëpia më e madhe e futbollit evropian vendosi të niste hetimet për këtë rast, por vendimi që është marrë sot është tejet qesharak, përcjell Periskopi.

UEFA ka dënuar vetëm me gjobë trajnerin Simeone dhe atë në shumën prej 20 mijë eurove.

Kësisoji, trajneri argjentinas do të jetë në Torino javën e ardhshme, aty ku do të tentojë kualifikimin në fazën çerekfinale. /Periskopi/