Raportuesi për Kosovën në PE, Terras: BE-ja duhet të heqë menjëherë masat ndaj Kosovës
Raportuesi për Kosovën në Parlamentin Evropian, Riho Terras, është takuar dje me presidenten e Kosovës, Vjosa Osmani.
Ai bëri të ditur se me Osmanin ka biseduar për zhvillimet e fundit politike në vend dhe përgatitjet për zgjedhjet e përgjithshme të paralajmëruara për 28 dhjetor.
Gjatë takimit, Terras theksoi nevojën që Bashkimi Evropian të rishikojë qasjen ndaj Kosovës, duke kërkuar heqjen e menjëhershme të masave të vendosura më herët nga BE-ja.
Sipas tij, normalizimi i marrëdhënieve dhe mbështetja për institucionet demokratike në Kosovë kërkojnë angazhim konstruktiv nga ana e Bashkimit Evropian, ndërsa masat aktuale, siç u shpreh ai, “nuk i shërbejnë stabilitetit dhe progresit”.
Takimi vjen në një periudhë dinamike politike në Kosovë, teksa vendi po përgatitet për zgjedhjet e reja dhe synon avancimin e procesit të integrimit evropian.
Ndryshe, masat u vendosën në qershor të vitit 2023, si reagim ndaj eskalimit të tensioneve në veri të Kosovës.
Meeting with 🇽🇰President @VjosaOsmaniPRKS. Discussed the political situation and the upcoming general elections on December 28.#EU measures against @kosovo should be lifted immediately.@Europarl_EN @EU_Commission #Kosovo @eu_enlargement_ pic.twitter.com/CJ2KzAxece
— Riho Terras (@RihoTerras) December 9, 2025
