Reali po rikthehet, fiton bindshëm ndaj Celtas (VIDEO)
Real Madridi ka vazhduar me fitoren në La Liga, e dyta radhazi që nga ardhja e Santiago Solarit në krye të skuadrës.
Los Blancos fituan ndaj Celta Vigos me rezultat 2-4, duke vazhduar kështu ngjitjen në tabelë.
Goli i parë në takim erdhi nga Karim Benzema në minutën e 23-të. Në vazhdim Los Blancos kishin rast për gol me Toni Kroos (35′), kurse vendasit rrezikuan portën e Thibaut Courtois me Sofieane Boufal (43′).
Pjesa e dytë filloi me dy raste nga Benzema, ndërsa në minutën e 56-të Gystavo Daniel Cabral i Celtas shënoi autogol.
Vendasit pas pesë minutat shënuan me anë të Gugo Mallo, por kjo ishte e gjitha çka ata treguan nga ky takim.
Në vazhdim shikuam edhe dy gola, fillimisht ishte Serigo Ramos (83′) nga pika e bardhë, ndërsa në minutat shtesë shënoi edhe Daniel Ceballos. Rezultatin përfundimtar të ndeshjes e vulosi Mendez, i cili shënoi golin e dytë për vendasit.
Pas kësaj fitore Reali renditet në vendin e gjashtë me 20 pikë (katër larg Barcelonë në vendin e parë), ndërsa Celta në pozitën e 14 me po aq pikë.
Ndeshja e ardhshme e skuadrës së Solarit është kundër Eibarit, kurse Celta ndaj Real Sociedadit./Periskopi/
