Reshjet e dendura dhe të vazhdueshme të shiut shkaktojnë vërshime në disa komuna të Kosovës
Në disa komuna, janë shfaqur probleme me vërshime pas reshjeve të shiut.
Në pamjet e publikuara, shihen telashe në Rahovec, Malishevë, Drenas e komuna të tjera.
Instituti Hidrometeorologjik i Kosovës paralajmëroi vërshime.
Instituti Hidrometeorologjik i Kosovës ka njoftuar se lumenjtë që burojnë nga Alpet Shqiptare, përfshirë Erenikun, Bistricën e Pejës, Bistricën e Deçanit dhe lumin e Istogut, kanë shënuar rritje të theksuar të prurjeve, duke rritur rrezikun për dalje nga shtrati në disa zona.
