Rita kritikohet për paraqitjen në “America’s Next Top Model” (Foto)
Rita Ora të hënën mbrëma filloi punën e saj të re si drejtuese e spektaklit “America’s Next Top Model”.
Por paraqitja e saj në këtë emision televiziv ka ndarë fansat e saj, që shumë prej tyre janë ankuar për mungesën e përvojës së Ritës në botën e modelimit.
“A ju kujtohet karriera e gjatë e Rita Orës në botën e modelimit? Nuk më kujtohet as mua”, ka shkruar një fans i saj në “Twitter”, transmeton Koha.net.
“Sezoni i sivjetmë është shaka. Rita Ora nuk është as modele”, ka shkruar një fans tjetër, duke vënë në dyshim aftësinë e Ritës për të zgjedhur modelet e reja në këtë emision.
Këngëtarja me prejardhje nga Kosova, siç raporton Daily Mail, po shpreson që të rrisë famën e saj në tregun amerikan. Ajo arriti pozitën e tretë në Billboardin amerikan me paraqitjen e saj në këngën “Black Widow” të reperes Iggy Azalea.
