River Plate – Boca Juniors: Ronaldo zhgënjen Perez, Messi ende në pritje
E gjithë bota e futbollit do të shohë të dielën ndeshjen e kthimit të finales së Copa Libertadores që do të zhvillohet në “Santiago Bernabeu” mes River Plate dhe Boca Juniors.
Plani i presidentit të Real Madrid Florentino Perez ishte të bashkonte Cristiano Ronaldon dhe Lionel Messin në tribunën presidenciale, si shenjë falënderimi për atë që i kanë dhënë futbollit në vitet e fundit.
Por, plani i Perezit nuk ka funksionuar, pasi Ronaldo ka refuzuar ftesën.
Gazeta spanjolle AS thotë se nga burime të sigurta ka marrë vesh se Ronaldo nuk do të jetë i pranishëm.
Mendohet se është akoma shumë herët për një rikthim në “Bernabeu”. Ai u largua nga kampionët e Evropës gjatë verës së kaluar dhe Juventus pagoi 117 milionë euro për të.
Por, edhe marrëdhënia jo e mirë mes tij dhe Perezit thuhet të ketë ndikuar në refuzimin e lojtarit. Edhe prania e Messit nuk është konfirmuar ende zyrtarisht.
