Ronaldo kujton babanë e ndjerë: Nuk ishte babai që e ëndërroja (Foto)
Këtë të diel, do të ishte ditëlindja e babait të ndjerë të Cristiano Ronaldos, Jose Dinis Aveiro, ashtu që superylli i Real Madridit e ka kujtuar atë.
Ditë më parë, portugezi publikoi një fotografi së bashku me fëmijët e tij për ta kujtuar babanë e ndjerë, i cili ndërroi jetë në vitin 2005.
Ai ka pozuar krahas Cristiano Jr. Dhe binjakëve Eva dhe Mateo, të cilët kaun lindur përmes një nëne surrogate.
“Ti do të jesh gjithmonë me ne. Urime baba. Urime gjysh”, kishte shkruar CR7 në postimin e tij.
Babai i Ronaldos ndërroi jetë më 7 shtator të vitit 2005 si pasojë e vartësisë nga alkooli. Ai ishte 52 vjeç.
“Babai im ishte i varur nga alkooli. Ai nuk ka qenë babai që e kisha ëndërruar”.
“E kam dashur, padyshim, por asnjëherë nuk e kemi bërë një bisedë si duhet”, kishte thënë futbollisti.
Kujtojmë që Ronaldo është në pritje të fëmijës së katërt që do të jetë fëmija i tij i parë me të dashurën Georgina Rodriguez. /Telegrafi/
