Kusturica: Putini di si t’i përgjigjet NATO-s, është mjeshtër i xhudos

NATO është duke u afruar sa më shumë te kufijtë e Rusisë, dhe është e vetëdijshme se ka forca të armatosura shumë më serioze të vendosura në kufijtë e Rusisë sesa ato të Adolf Hitlerit në vitet e Luftës së Dytë Botërore. Sidoqoftë mendoj se Vladimir Putini di t’i përgjigjet: Strategjia e tij është strategjia e një mjeshtri xhudo, i cili është në gjendje të përdorë forcën në avantazhin e tij, tha regjisori Emir Kusturica në një intervistë dhënë Sputnik.

SHBA ka kërkuar kohët e fundit një raport mbi bashkëpunimin ushtarak midis Rusisë dhe Serbisë. Ky veprim, sipas një anëtari të lartë të “Komitetit të Punëve të Jashtme të Dhomës së Përfaqësuesve” Eliot Engel, “është pjesë i Aktit të Mbrojtjes Kombëtare 2018”.

Kongresmeni sqaroi se SHBA duhet të analizojnë me kujdes lidhjet ushtarake ruso-serbe dhe të vlerësojnë pasojat e tyre për politikën e sigurisë kombëtare të SH.B.A.-së dhe anëtarësimin e Serbisë në Partneritetin për Paqe të NATO-s, si dhe pasojat eventaule që mund të ndodhin për fqinjët e Serbisë.

Ai tha se Rusia i ka dhuruar së fundmi Serbisë 600 milionë dollarë për armatim, duke përfshirë gjashtë avionë luftarak MIG-29 “Fulcrum”, 30 tanke dhe 30 automjete të zbulimit të blinduara BRDM-2.

Kongresmeni nga Nju Jorku gjithashtu shtoi se Serbia tani po kërkon sistemet mbrojtëse anti-ajrore S-300 të Rusisë.

“Sinqerisht, jam gjithnjë e më shumë i shqetësuar për zgjedhjet që bën Beogradi kur bëhet fjalë për çështjet ushtarake dhe të sigurisë. Për këtë çështje kam shkruar amendamentin e sotëm” tha Engel të premten, raporton “Sputnik International”, transmeton Periskopi.

Duke komentuar kërkesën e SHBA-së, regjisori serb, Emir Kusturica i tha “Sputnik Serbisë” se “e gjithë bota është e vetëdijshme se ka forca të armatosura shumë më serioze të vendosura në kufijtë e Rusisë sesa ato të Adolf Hitlerit në vitet e Luftës së Dytë Botërore”.

“Sidoqoftë mendoj se Vladimir Putini di t’i përgjigjet: Strategjia e tij është strategjia e një mjeshtri xhudo, i cili është në gjendje të përdorë forcën në avantazhin e tij”, tha ai.

Duke komentuar mbi rrezikun e mundshëm të një konfrontimi ushtarak midis Rusisë dhe aleancës, Emir Kusturica tha se Rusia ka qenë gjithmonë një vend i fortë. Megjithatë, analistët ushtarakë sugjerojnë se nëse del ndonjë konflikt, ai nuk do të jetë në territorin rus, por diku tjetër në botë./Periskopi/