Sadiku: Mbi 730 milionë euro tenderë njëburimor në institucionet qendrore që nga viti 2021

Kandidati i LDK-së për deputet, Ermal Sadiku ka ngritur shqetësime serioze lidhur me mënyrën e dhënies së tenderëve nga institucionet qendrore gjatë pesë viteve të fundit.

Përmes një postimi publik, Sadiku ka bërë të ditur se ka analizuar të dhënat në platformën e-Prokurimi, duke filtruar vetëm procedurat e negociuara pa publikim të njoftimit të kontratës, të njohura si tenderë njëburimor, për periudhën janar 2021 – janar 2026.

Postimi: 

Shoqni,

Bëra një kontroll të thjeshtë në e-Prokurimi.

Kërkova vetëm “tenderë njëburimor” = (Procedurë e negociuar pa publikim të njoftimit të kontratës) për periudhën janar 2021 – janar 2026.

I hoqa nga filtrat komunat dhe institucionet komunale. (mundesia qe e kam harru ndonje institucion egziston)

Mbetën vetëm institucionet qendrore.

Rezultati?

🔴 2,704 tenderë njëburimor

🔴 Rreth 730 MILION € vlerë totale

730 milion euro pa garë reale.

Pa ose pak konkurrencë.

Kjo nuk është “rastësi administrative”.

Kjo është model qeverisjeje.

Shumë interesante…

shumë, shumë interesante.

p.s. i kam largu B10 dhe B52, njoftimet per anulim dhe nenshkrim.