Sampdoria ofron 9 milionë euro për Jack Wilshere (Foto)

Sampdoria ka bërë një ofertë prej 9 milionë eurosh për mesfushori anglez të Arsenalit, Jack Wilshere.

25 vjeçari sezonin e kaluar ishte i huazuar në Bournemouth, ku bëri 25 paraqitje në Premier Ligë para se ta thyente këmbën në fund të Prillit, shkruan “Daily Mail”, transmeton Periskopi.

Mesfushorit anglez i përfundon kontrata verën e ardhshme me klubin londinez.

Sampdoria e ka dërguar ofertë në drejtim të topxhinjëve dhe tashmë janë duke pritur përgjigjen e tyre.

Wilshere në këtë sezon që po vie duhet të luftojë për pozitën e tij me Granit Xhakën, Aroon Ramsey, Santi Cazorla dhe Mohamed Elneny.

Arsene Wenger është duke bërë një ri-freskim të skuadrës pasi dëshiron të transferojë edhe disa lojtarë të ri në skuadër por për ta bërë këtë duhet fillimisht që të shes.

Lojtarët si Kieran Gibbs, Carl Jenkinson, Calum Chambers dhe Oliver Giroud janë duke u kërkuar nga skuadra të ndryshme ndërsa portieri polak Wojciech Szczesnsy ka kompletuar transferimin e tij te kampioni italian, Juventus. /Periskopi/