Shkarkohet drejtori i Termocentralit Kosova B në KEK
Ramadan Ahmeti është shkarkuar nga pozita e Drejtorit të Termocentralit B, shkruan Periskopi.
Burime të Periskopit kanë thënë se ky vendim është marrë nga u.d. drejtori ekzekutiv, Gramos Hashani.
Arsyeja e shkarkimit thuhet të ketë qenë pakënqësia që Ahmeti ka shfaqur karshi një vendimi të Hashanit.
Shkarkimi Ahmetit vjen në një periudhë kur KEK-u, nën udhëheqjen e Gramos Hashanit, po kalon përmes rotacioneve të shpeshta të ushtruesve të detyrës, mungesës së stabilitetit dhe një gjendjeje të çrregullt në sistemin energjetik.
