Shtatë klube kundërshtojnë rifillimin e kampionatit

Kjo situatë e vështirë mund të shtyjë për një datë të mëvonshme fillimin e kampionatit, pasi kjo gjë tashmë është kërkuar nga disa klube.

“7 klube të Superiores kërkojnë shtyrjen e rinisjes së kampionatit. Për shkak të motit të acartë dhe temperaturave shumë të ulëta, nisur edhe nga kërkesat e aktorëve të garës, FSHF-ja ka marrë konfirmimet e pjesës më të madhe të klubeve.

Shumica e tyre kërkojnë shtyrjen me një javë të rifillimit të fazës së 3-të të Kategorisë Superiore. Megjithatë, FSHF-ja do të dalë së shpejti me një vendim final zyrtar,” – shkruhet në faqen zyrtare të federatës.