Sigal Prishtina e mposht me rezultat të thellë KB Pejën
Sigal Prishtina ka shënuar edhe fitoren e tetë radhazi në Superligën e Kosovës në basketboll.
Skuadra kampione pa problem ka mposhtur dikur rivalin më të madh të tyre, KB Pejën.
Ndeshjen e zhvilluar në ‘Pallatin e Rinisë’, kryeqytetasit e kanë fituar me rezultat të thellë 99:68.
Gjashtë lojtarë te Prishtina arritën të shënojnë pikë dyshifrore, derisa u dalluan Maxim Esho me 19 dhe Dardan Berisha me 17 pikë.
Te Peja u dallua Arian Qallaku me 24 pikë e 8 kërcime.
