Sonte derbi Atletico Madrid-Barcelona, formacionet e mundshme
Kampionët e Spanjës vijnë në këtë përballje me madrilenët pa kapitenin Andres Iniesta dhe Sergi Busquets të dëmtuar. Gjithsesi Luis Enrique pritet të bëjë sërish rotacion në formacionin që do të hedhë në fushë nga minuta e parë.
“Los Colchoneros” nuk e kanë shkëlqimin e sezoneve të fundit, teksa janë thuajse jashtë garës për titullin. Për këtë ndeshje, Atletico Madrid nuk do të ketë qendërmbrojtësin Jose Maria Gimenez i dëmtuar.
Gjysmëfinalet e Kupës së Mbretit në Spanjë kanë rezervuar përballjen mes Atletico Madrid dhe Barcelonës, me sfidën e parë që do të luhet në “Vicente Calderon”.
