Suarez befason: Të gjithë duan të luajnë për Klopp!

Sulmuesi i Barcelonës, Luis Suarez ka thënë se do të shijonte mundësinë për të luajtur nën drejtimin e trajnerit të Liverpoolit, Jurgen Klopp, por pranon se shanset për të ndodhur kjo në një kohë të afërt janë të pamundura.

Suarez është një ish-lojtar i ”Të Kuqëve”, që ka shënuar 69 gola në 110 paraqitje për klubin pas transferimit nga Ajax në 2011 dhe ishte golashënuesi më i mirë i Liverpool në sezonin 2013/14, pasi humbën garën për titullin e parë pas vitit 1990, transmeton Periskopi.

Golat për sulmuesin uruguajan nuk janë ndalur as te Barcelona, ku ka shënuar 125 gola në 149 ndeshje në La Liga, duke u asistuar nga pesë lojtari më i mirë në botë, Lionel Messi.

”Aktualisht ne punojmë për dy klube të ndryshme, kështu që nuk është një çështje për mua në këtë moment”, tha Suarez për 11Freunde kur u pyet nëse ai do të donte të luante për ish-trajnerin e Borussia Dortmundit. “Por po, çdo lojtar do të donte të stërvitej nën Jurgen Klopp”.

Liverpool është afër të kurorëzohet me titullin kampion këtë sezon, pasi gjendet në vendin e parë me katër pikë diferencë nga Manchester City, që mban pozitën e dytë. /Periskopi