Takimi i parë më i tmerrshëm i mundshëm: U bllokua në një dritare…
Një histori interesante e një vajze e cila nga paniku që e kishte kapur derisa gjendej në një tualet, ka bërë një veprim që nuk i kishte dalë ashtu siç i kishte menduar.
Siç shkruajnë mediat e huaja, përcjell Telegrafi, bëhet fjalë për një vajzë e cila pasi kishte takuar 24-vjeçarin Liam Smyth, kishin vendosur që të hanin një darkë bashkë, e më pas edhe të shkonin në shtëpinë e tij.
Por, siç thuhet më tej, derisa ishte në tualet, vajza pasi kishte kryer nevojën, ishte gjendur me një situatë jo të këndshme.
Kjo pasi që e kishte kryer, guaska nuk kishte funksionuar.
E gjendur në siklet dhe panik, ajo kishte vendosur të ndërmerrte një hap tjetër. Mori disa letra tualeti dhe e mbështolli jashtëqitjen, të cilën deshi ta hidhte nga dritarja.
Por, edhe siç thonë: “kur nuk e don, nuk e don”.
Edhe letrat me jashtëqitje ishin ngecur në një hapësirë të ngushtë.
Duke menduar që ta “çonte punën deri në fund”, ajo u fut në hapësirën e ngushtë.
Aty ajo ngeci dhe u desh angazhimi i zjarrfikësve që ta shpëtonin atë. /Telegrafi/
